Yesu kamwambia ndimi njia, na kweli, na uzima,mtu haji kwa Baba ila kwa njia ya Mimi Yohana 14:6

Yesu kamwambia ndimi njia, na kweli, na uzima,mtu haji kwa Baba ila kwa njia ya Mimi Yohana 14:6
 

Bwana  Yesu Asifiwe Wapendwa.

Namshukuru Mungu kwa wingi wa fadhili zake kwetu.

Mpendwa, yawezekana umekuwa ukiishi bila kutambua uwezo wa jina la Yesu katika kukuonyesha mwelekeo wa maisha yako.Je, unahitaji mwelekeo mpya katika maisha yako?Je, unahitaji kujua njia ya kutoka katika hali uliyonayo?

Mpendwa , pengine hali ya maisha uliyonayo imekufanya ukate tamaa na kujiona kwamba hakuna njia ya kukufanya utimize furaha ya ndoto zako.Je, unahitaji njia ya kuishi kwa amani na furaha; njia ya kuwa na mahusiano mazuri katika ndoa yako; njia ya kuwa na mahusiano mazuri na ndugu zako, kazini kwako, kwenye biashara yako; unahitaji njia ya kuacha ulevi wa pombe na madawa ya kulevya, njia ya kuacha kuabudu sanamu, njia ya kuacha uongo, njia ya kuacha uzinzi, njia ya kuacha uchawi, njia ya kuacha tamaa ya mali zisizo halali; njia ya kuponywa maradhi, njia ya kupata utajiri, njia ya kupata kazi, njia ya kupata mtaji , njia ya kutoka kwenye madeni, njia ya kupandishwa cheo, njia ya kutimiza ndoto zako?Yesu ni njia ya kila mahitaji yetu hapa duniani, pia yeye ni njia ya kutufanya tujue kweli ya neno lake na tuweze kuurithi uzima wa milele.

Mpendwa, Mungu anatupenda sana; ametupa njia bora kabisa na anataka tuishi maisha ya ushindi siku zote katika kila eneo kupitia mwana wake ,Yesu Kristo.Mkaribishe leo Yesu na mfungulie yote yaliyomo moyoni mwako ili aweze kukuonyesha njia ya kila hitaji lako na uakuww na mwelekeo mpya wa maisha yako.

Neema ya Mungu iwe nanyi

...